பெயராசை

வாய் ஓயாமல் பேசும் பெண்கள் வாயாடி என்றால் …. நீ கண்ணாடி !!! எனக்கு பேராசையெல்லாம் எதுவும் கிடையாது உன் பெயருக்கு பின்னே என் பெயர் வரவேண்டுமென்கிற பெயராசைதான் உண்டு ! -ஷிப்லி

கனவுகளுள் வீழ்வோம்

மன்மதப் போரின் வியூகமிது சுற்றி வளைக்க… சுற்றி வளைக்க… சுகம் என்கிறது மனசு! காதலித்துத் தீர்ப்போம் காத்திருந்த வலிகளை வா! விழிகளை மூடி கனவுகளுள் வீழ்வோம்! -முகமத் நியாஸ்

விழிக்காதே

மீன்கள் எப்படி தூண்டில் போடும்? விழிக்காதே! – உன் விழிகளைத்தான் சொல்லுகிறேன்!!

வண்ணத்துப் பூச்சிகள்

புள்ளிகள் போட்ட ஆடையில் உன்னைப் பார்த்த பிறகு வண்ணத்துப் பூச்சிகள் ஒன்றும் அழகாகத் தெரிவதில்லை எனக்கு!

காதல்மட்டும்

உன்னை தவிர வேறெதையும் கண்டிராத என் கண்களுக்கு உன் கண்களில் இருந்த காதல்மட்டும் தெரியாமல்போனதெப்படி? -மகேந்திரன்.பெ

வியர்வைத்துளிகள்

காதலியே நிலவில் தண்ணீர் உண்டு உன் முகத்தில் வியர்வைத்துளிகள்… -நிந்தவூர் ஷிப்லி

தூங்கிய இரவுகள்

இரவில் நிலவில் நீ சொன்ன வார்த்தைகள்தான் என் வீடு முழுவதும் சிதறிக்கிடக்கிறது சின்னச் சின்ன நட்சத்திரங்களாய் தன்னை மறந்து தூங்கிய நாட்களை விட உன்னை மறந்து தூங்கிய இரவுகள் குறைவே -ஸ்ரீமதி.

நீயில்லாத என் மனசு

உலர்ந்து போகட்டும் நிலா.. உதிர்ந்து போகட்டும் நட்சத்திரங்கள்.. குயில் ராகமிழக்கட்டும்.. முற்றத்து ரோஜா பூக்காமல் சாகட்டும்.. திட்டித் தீர்க்கும் இப்படித்தான் நீயில்லாத என் மனசு! -முகமத் நியாஸ்

வதந்தியாய்

நம் உள்ளங்கள் சேர்ந்த சேதி ஊருக்கு மட்டும் ஏன் வதந்தியாய் போயிற்று!? -முகமத் நியாஸ்

காதலியின் பெயர்

தன் பெயரை பிழையாக எழுதிக் கொண்டிருந்த சிறுமியிடம் அழகாய் எழுத கற்றுக் கொடுத்தேன் என் காதலியின் பெயரும் அது என்பதால் -யாழ்_அகத்தியன்