முத்தமிடக்கூடாதா

முறைக்க சொன்னால் ஏன் முறைக்கிறாய்? முத்தம் கேட்டால் முறைக்கிறவள், முறைக்க சொன்னால் முத்தமிடக்கூடாதா? -ரசிகன்பாலு

நல்ல நண்பர்கள்

இவ்வளவு கிட்ட வந்தபின்னும் தூரமாய் நிக்கிறாயே பார்க்கிறவர்கள் தப்பா நினைக்க போறாங்க நாம் நல்ல நண்பர்கள் என்று -யாழ்_அகத்தியன்

அர‌ங்கேறிய‌ க‌ண‌ங்க‌ள்

கனவில் கைகோர்த்த‌ கடற்கரைகள் இன்றுநம் கால்தடங்களை பதிக்கிறது.. எந்தலை வலிக்காக நீயும் உன் காய்ச்சலுக்காக நானும் வலிகண்ட அழுகைகளும் தோல்விக‌ளுக்கான தேற்றுத‌ல்க‌ளும் வெற்றிக‌ளுக‌ளுக்கான‌ வாழ்த்துக‌ளும் ப‌றிமாற‌லாய் அர‌ங்கேறிய‌ க‌ண‌ங்க‌ள் என் வாழ்வின் விமோட்ச‌ன‌ங்க‌ளென்று இருவ‌ரும் சொல்லிகொண்டோமே!!

உன்னைப்போலவே உனது முத்தங்களுக்கும் காதல் அதிகம்தான். முதல் நாளின் கடைசி முத்தம் அடுத்த நாளின் முதல் முத்தத்தை சந்திக்கும் வரை உறங்குவதேயில்லை. ரசிகன்பாலு

உன் கண்கள்தான்

உனக்கு முத்தம் கொடுக்க சொல்லி சொன்னதே உன் கண்கள்தான் கொடுக்கும் போதும் எதோ சொல்கிறதே என்னவாக இருக்கும்? -யாழ்_அகத்தியன்

கோபத்தோடு

தயவு செய்து கோபத்தோடு எனை விட்டு பிரியாதே ஏனெனில் நம்முள் உண்டான கோபத்தை கூட நான் பிறருடன் பகிர்ந்து கொள்ள விரும்பவில்லை -யாழ்_அகத்தியன்

நீ பேசுகையில்

நீ வந்து பேசுகையில் பூக்களுக்கு வருத்தம்தான். காற்றிலேயே தேன் குடித்து திரும்பி விடுகின்றனவாம் தேனீக்கள்! ரசிகன்பாலு

வார்த்தைகளின்றி

மீன்விழிப்பார்வையிலே மான் துள்ளல் போடுமென் மனமதை மயக்கும் புன்னகையால் மட்டுறுத்தி விடுகிறாள்! இவளை வர்ணிக்கவே வார்த்தைகளின்றி வறண்டு போகிறதென் செந்தமிழ்!

செளகரியம்

உனக்கு பிடித்த சுஜாதாவும் வைரமுத்துவும் என்னிடத்தில் இருந்ததில் செளகரியம் அடிக்கடி வந்துபோனாய்! -ப்ரியன்